Bonan tagon
Estas jam diskuto pri esperanto, ĉi tie :
https://www.etudes-litteraires.com/forum/d/40342/ressources-pour-apprendre-lesperanto
Ĝi temas ĉefe pri baza lernado, gramatiko, ktp.
Ŝajnis, ke estas kelkaj esperantistoj ĉe tiu forumo. Se vi volas babili esperante pri diversaj temoj, ne nur pri gramatiko, tiu temfadeno estas eble pli adekvata.
...
Por ekzerciĝi, mi kelkfoje skribe esperantigas historiojn kaj ŝercojn.
Pasintan dimanĉon, oni demandas min diri esperante kelkajn vortojn, do mi rakontis parole tiun historieton :
Tio estas la historio de simio, kiu eniras drinkejon, kaj demandas al la drinkejisto :
"Ĉu vi havas bananojn ?"
La drinkejisto respondas : "Ne, ni ne havas bananojn"
La simio denove demandas : "Ĉu vi havas bananojn ?"
Drinkejisto : "Ne, ni ne havas ilin !"
Simio : "Ĉu vi havas bananojn ?"
Drinkejisto : "Ĉu vi estas surda aŭ kio ? Se vi ankoraŭ demandas min, ĉu ni havas bananojn, mi najlos vian langon sur la tablo !"
Simio : "Ĉu vi havas najlojn ?"
Drinkejisto : "Ne"
Simio : "Nu, ĉu vi havas bananojn ?"
Miaj aŭdantoj ne parolis la esperantan, sed ili komprenis la historion.
Fakte, personoj, kiuj parolas la anglan, povas diveni la sencon de vortoj kiel "najlo" (angle, "nail") aŭ "drinkejo".
"simio", kaj "banano" estas ankaŭ facile kompreneblaj.
